"Ipak yoʻli" xalqaro tadqiqot instituti Samarqand shahrida boʻlib oʻtgan Xalqaro “Turk dunyosi meʼmorchiligi va shaharsozligi Qurultoyi” da faol ishtirok etdi

"Ipak Yoʻli" turizm va madaniy meros xalqaro universiteti huzuridagi "Ipak yoʻli" xalqaro tadqiqot instituti xodimi 2025-yil 19-fevral kuni Samarqand shahrida boʻlib oʻtgan Xalqaro “Turk dunyosi meʼmorchiligi va shaharsozligi Qurultoyi” da faol ishtirok etdi.

Tadbirda Turk davlatlari tashkiloti Oqsoqollar kengashi raisi Binali Yildirim, Turk davlatlari meʼmorlari va shaharsozlari uyushmasi raisi Ilyas Demirchi, Oʻzbekiston Meʼmorlar uyushmasi raisi Azamat Toʻxtayev, Oʻzbekiston Qurilish vaziri Sherzod Hidoyatov, Samarqand viloyati hokimi Adiz Boboyev hamda Oʻzbekiston va Turkiyaning koʻplab mutaxassislari oʻz tabrik nutqlari va maʼruzalari bilan qatnashdilar.

Tadbirda “Ipak yoʻli” xalqaro tadqiqot instituti direktori, meʼmorchilik fanlari doktori, professor M.A. Yusupova “Madaniy merosni asrash – qadimiy shaharlarni restavratsiya qilish va madaniy yodgorliklarni muhofaza etish yoʻnalishi boʻyicha Oʻzbekiston arxitekturasini taʼmirlash maktabi va uning turkiy dunyo restavratorlari bilan hamkorlik istiqbollari” mavzusida maʼruza qildi. Maʼruza ishtirokchilar tomonidan katta qiziqish bilan tinglandi va uning matnini tegishli rasmlar bilan Turkiyaning Anqara shahrida chop etiladigan “Qurultoy” materiallari toʻplamida nashr etishga kelishildi.