Rektor tabrik so'zi

«Ипак йўли» туризм ва маданий мерос халқаро университети ҳузуридаги «Ипак йўли» халқаро тадқиқот институти 2024 йил март ойида Ўзбекистонда Ипак йўли мамлакатларининг цивилизация тарихи ва моддий маданий меросини ўрганиш, сақлаш ва тарғиб қилиш бўйича етакчи илмий-тадқиқот маркази сифатида фаолиятини бошлади.

«Ипак йўли» ХТИнинг асосий тадқиқот йўналишлари қадимий шаҳарларнинг архитектура ва шаҳарсозлик соҳасидаги назарий ва амалий ишланмалари, меъморчилик ёдгорликларини реставрация қилиш, консервация қилиш ва музейлаштириш билан боғлиқ анъанавий тажриба ва замонавий муаммоларни ўрганишни ўз ичига олади. Институтда тарихий ёдгорликларни ўрганиш, график тиклаш ва реставрация қилиш бўйича замонавий инновацион методлар қўлланилади.

«Ипак йўли» ХТИнинг нуфузли ва ёш олимлари институтнинг асосий миссиясини, яъни Ипак йўли мамлакатларининг, хусусан Ўзбекистондаги тарихий шаҳарларнинг анъанавий маданий меросини сақлаш ва тарғиб қилишни чуқур англаб етадилар. Ўзбекистон, қадимий ва ўрта аср цивилизацияларининг марказларидан бири сифатида, бу борада муҳим аҳамиятга эга.

Ҳурматли институт ходимлари, хорижий ва маҳаллий экспертлар, тадқиқотчилар ва олимлар, «Ипак йўли» халқаро тадқиқот институти билан ҳамкорлик қилаётган ва ҳамкорликка таклиф этилаётганлар! Сизнинг билим ва кўникмаларингиз, тажрибангиз ва изланишларга бўлган иштиёқингиз катта аҳамиятга эга бўлиб, келажакда аъло натижаларга эришишимизга ҳисса қўшади. Сизнинг тадқиқотларингиз Ўзбекистон ва Ипак йўли мамлакатларининг маданий меросини абадийлаштиришга катта ҳисса қўшиши мумкин ва бизнинг ушбу соҳадаги биргаликдаги саъй-ҳаракатларимиз янги ютуқларга олиб келади!

Сизга ушбу олийжаноб ишда фаол иштирок этганингиз учун чин дилдан миннатдорчилик билдираман!

«Ипак йўли» туризм ва маданий мерос халқаро университети ректори Холмухамедов Мухсинжон Муродуллаевич