“Ipak yo‘li” xalqaro tadqiqot institutida turizm infratuzilmasini rivojlantirishga qaratilgan master-rejalar taqdimoti bo‘lib o‘tdi

Uchrashuvda Turizm qo‘mitasi huzuridagi loyiha ofisi mutaxassislari tomonidan "Depo", “Koriz” va “Aydar” master-rejalari, shuningdek, institut xodimlari F. Yarashev, F. Xudaykulova va R. Shamsiyevalar tomonidan ishlab chiqilgan “Afrosiyob” hamda “Oqdaryo sohil bo‘yi” loyihalari taqdim etildi. Taqdimot davomida hududlarning turistik salohiyatidan samarali foydalanish, zamonaviy infratuzilmani rivojlantirish, tarixiy-madaniy meros va tabiiy resurslar asosida yangi turistik yo‘nalishlarni shakllantirish masalalari muhokama qilindi.