“Buyuk Ipak yo‘lining moddiy madaniy merosini o‘rganish va saqlashning dolzarb masalalari” mavzusida xalqaro simpozium o'tdi

“Buyuk Ipak yo‘lining moddiy madaniy merosini o‘rganish va saqlashning dolzarb masalalari” mavzusida Samarqandda bo'lib o'tgan xalqaro simpoziumda dunyoning turli burchaklaridan yetakchi mutaxassislar Ipak yo‘li merosini asrash bilan bog‘liq muhim muammolar va yechimlarni muhokama qilish maqsadida yig’ildi. Ushbu tadbir Ipak yo‘li xalqaro tadqiqot instituti va YUNESKO tomonidan tashkil etilgan bo’lib, global ahamiyatga ega bo‘lgan madaniy merosni saqlab qolish va tiklash bo‘yicha bilim va strategiyalarni almashish uchun muhim imkoniyatni taqdim etdi.

Umumiy tariximizni asrashda o’z hissasini qo’shayotgan barcha ishtirokchi, mutaxassislarga minnatdorchilik bildiramiz. Tadbir Yevropa Ittifoqi tomonidan moliyalashtirilgan “Markaziy Osiyodagi Ipak yoʻli merosi yoʻlaklari – Yevropa madaniy meros yilining xalqaro koʻlami” loyihasi doirasida oʻtkazildi.