Institut mutaxassislarining malakasini oshirish bo‘yicha ekspeditsiya

“Ipak yo‘li” turizm va madaniy meros xalqaro universiteti huzuridagi “Ipak yo‘li” xalqaro tadqiqot instituti xodimlari bahorgi dala tadqiqotlari mavsumini boshladilar.

Tadqiqot institut direktori, arxitektura fanlari doktori M.A. Yusupova rahbarligida xodimlar va doktorantlar malakasini oshirishga bag‘ishlandi.

Samarqand shahri va uning atrofidagi tarixiy yodgorliklarning me’moriy hamda tipologik xususiyatlarini o‘rganish jarayonida Samarqand tumanida joylashgan O‘rta Shayx, Xo‘ja Kavshir va boshqa masjidlar tadqiq etildi.

Tadqiqot davomida:
• obyektlarning tarixiy-madaniy ahamiyati
• turistik salohiyati
• hozirgi saqlanish holati tahlil qilindi

Tadqiqot natijalari Samarqand viloyatining boy madaniy merosini kataloglashtirish, saqlash va ommalashtirishga xizmat qiladi.