АХБОРОТ ХАТИ

“ИПАК ЙЎЛИ МОДДИЙ МАДАНИЙ МЕРОСИНИ ЎРГАНИШ  ВА САҚЛАШНИНГ ДОЛЗАРБ МАСАЛАЛАРИ” мавзусидаги II халқаро илмий-амалий симпозиумининг

АХБОРОТ ХАТИ

      “Ипак йўли” халқаро туризм ва маданий мерос университети ҳузуридаги “Ипак йўли” халқаро тадқиқот институти Ўзбекистон Республикаси Президентининг 2021 йил 30 октябрдаги PQ-5270-сонли қарори (“Туризм, маданий мерос ва музейшунослик соҳаларида малакали кадрларни тайёрлаш тизимини янада такомиллаштириш чора-тадбирлари тўғрисида”)га асосан ташкил этилган.

       2025 йил 19–20 ноябрь кунлари Самарқанд шаҳрида “Ипак йўли” халқаро тадқиқот институти томонидан “Ипак йўли моддий маданий меросини ўрганиш ва сақлашнинг долзарб масалалари” мавзусидаги II халқаро илмий-амалий симпозиум ўтказилади. Симпозиумда иштирок этиш учун маданий мерос соҳасига ихтисослашган олимлар, тадқиқотчилар ва докторантлар илмий маъруза билан таклиф этиладилар.

Симпозиумнинг илмий йўналишлари:

1. Ипак йўли маданий мерос объектлари – замонавий тадқиқотлар, янги кашфиётлар ва талқинлар.


2. Ипак йўли меъморий меросини сақлаш ва реставрация қилиш масалалари: назария ва амалиёт.


3. Маданий мерос объектларини ўрганиш, сақлаш, реставрация қилиш, консервация ва оммалаштиришда замонавий технологиялар.


4. Ипак йўли археологик объектлари: ўрганиш, консервация ва музейлаштириш усуллари.


5. Ипак йўли мамлакатларида туризм ва маданий йўналишларни ривожлантиришга инновацион ёндашувлар.


6. Ипак йўли санъати, маданияти ва ҳунармандчилик анъаналари: мактаблар ва маданий алоқалар.


7. Ипак йўли меросини сақлаш ва талқин этишда музейлар ва маданий институцияларнинг роли.

Симпозиум тиллари: ўзбек, инглиз, рус.

Кўрсатилган тиллардаги мақолалар қабул қилинади. Симпозиум Ташкилий қўмитасининг Илмий кенгаши энг яхши мақолалар тўпламини нашр қилишни ва айрим мақолаларни халқаро иқтибосли журналга жойлаштиришни режалаштирган.

Формат: офлайн ва онлайн.

Бориш-келиш харажатлари иштирокчи томон ҳисобидан, Самарқанддаги яшаш, овқатланиш ва маданий тадбирларда (саёҳатлар, кўргазмалар) иштирок қилиш харажатлари симпозиум Ташкилий қўмитаси томонидан қопланади.

Манзил: Ўзбекистон Республикаси, Самарқанд шаҳри, Университет хиёбони, 17-уй. “Ипак йўли” халқаро туризм ва маданий мерос университети биноси.

Мақола/маърузаларни расмийлаштириш талаблари:

Word 97-2003 ёки RTF формати, Times New Roman шрифт, кегль 12, интервал 1,5. Саҳифа ҳошиялари:          чапдан – 3 см, ўнгдан – 1,5 см, юқоридан ва пастдан – 2 см.

Ҳажми: 8 бетгача, ўзбек, рус ва инглиз тилларида аннотация ва калит сўзлар (70 сўзгача), адабиётлар рўйхати (references), иллюстрациялар ва изоҳлар, муаллиф ҳақида маълумот. Файл номи муаллиф фамилияси билан белгиланиши шарт.

Мақола тузилиши ва матнни расмийлаштириш талаблари:

Мақола тузилиши IMRAD талабларига мувофиқ бўлиши керак.

Саҳифанинг биринчи қаторида – сарлавҳа (катта ҳарфлар, қалин);

Кейин – муаллиф исм-шарифлари, давлат (қавс ичида), иш жойи, лавозими, илмий даражаси ва унвони, e-mail;

Кейин – ўзбек, инглиз ва рус тилларида аннотациялар (70 сўзгача) ва калит сўзлар (7–8 та) келтирлади.

Абзац – 1 см, матн текисланган, ҳаволалар қавс ичида (муаллиф, йил: саҳифа), масалан: (Абдуллаев, 1988: 12).

Адабиётлар рўйхати – алфавит тартибида, 5–15 та манба. Сўнгги 5 йилда нашр этилган камида 2 та манба ва камида 1 та хорижий манба бўлиши шарт.

Иллюстрациялар: 5 тагача (жадвал, сурат, расм ва ҳ.к.), JPG/TIF форматида, 300–600 dpi. Мақолалар шахсий тадқиқот ва муаллиф(лар) хулосаларига асосланиши зарур. Илмий-амалий тавсиялар таҳрирланган ҳолда топширилиши керак. Муаллифлар иштирокчи аризасини тўлдириши шарт.

Иштирокчи аризасини топшириш муддати – 2025 йил 15 октябргача,

мақолаларни топшириш муддати – 2025 йил 20 октябргача.

E-mail: shirina.akhunova@gmail.com, viktoriya.anshakova@gmail.com

      Масъул шахслар: Ширин Ахунова, Виктория Аншакова
Телефон / Telegram / WhatsApp: +998 99 804 04 36; +998998235674 +998938235674

Мақолани расмийлаштириш намунаси:

ИННОВАЦИОН ТЕХНОЛОГИЯЛАРНИНГ МАДАНИЙ МЕРОС ОБЪЕКТЛАРИНИ ЎРГАНИШ ВА РЕСТАВРАЦИЯ ҚИЛИШДАГИ РОЛИ

АБДУЛЛА АБДУЛЛАЕВ (Ўзбекистон)
Самарқанд давлат университети, доцент, PhD (архитектура)
abdullaev@gmail.com

Annotatsiya. Матн (70 сўзгача).
Kalit so‘zlar: 7–8 сўз, вергул билан ажратилади

Abstract. text (not more than 70 words).
Key words: 7–8 key words

Аннотация. Текст (не более 70 слов).
Ключевые слова: 7–8 слов

Мақола матни:

Кириш – матн матн матн матн матн матн матн.

Асосий қисм – матн матн матн матн матн матн матн (Адорно, 2020: 86).

Хулоса ва таклифлар – матн матн матн матн матн матн матн.

      Адабиётлар рўйхати:
Ахмедов Т. В. Архитектурная среда исторических городов Средней Азии // Вопросы сохранения исторического архитектурного наследия. 2020. № 10. – С. 76 –86.
Keay J. Central Asia Discovered // Nolda Gosans papers. Pvt. LTD. – London, 2004.

      Интернет манбалар:
Новикова А. Н. О проблемах реставрации: «Дело не только в туризме». – М., 2019 / [Электронный ресурс]. – Режим доступа: https://gubernia.ru/articles/society/1090352/.

Симпозиум иштирокчисининг анкета шакли:

1. Исм, фамилия (тўлиқ)


2. Илмий даража / унвон


3. Иш жойи / лавозим


4. Телефон рақами (халқаро код билан)


5. Электрон почта


6. Иштирок шакли (офлайн / онлайн)


7. Маъруза мавзуси (агар бўлса)


8. Маъруза тили


9. Техник таъминот эҳтиёжи (презентация, видео ва ҳ.к.)

Ариза юбориш муддати: 2025 йил 15 октябрга қадар
E-mail: shirina.akhunova@gmail.com,

viktoriya.anshakova@gmail.com

Энг яхши тилаклар билан,

Ипак йули ХТИнинг

II халқаро симпозиуми Ташкилий қўмитаси